Það þætti til hæfis að útskýra að einhverju leyti; uppsetningu/samsetningu á merki Grímnis til frekari þekkingar áhugasamra:

GRÍMNISSKJÖLDUR

Merkið sjálft er samansett úr þremur einingum er þykja ágætar sem stoðir félagsins, en talan '3' er einnig mikilvæg innan þjálfunnar sem og lífsstíls Ninpo. Þar af leiðandi; er Grímnisskjöldur best auðskilinn með eftirfarandi útskýringar í huga:

1. NIN kanji: Hinn japanski stafur (kanji) 'Nin' þýðir þolinmæði og/eða betur ákosið ''þrautseigju'', en það væri þá grunnur Budo Taijutsu og undirstaða allrar þjálfunnar í Bujinkan. Samfara því mætti þá þýða eftirfarandi til fullnustu og skilnings þeirra er hafa barist - lifað og dáið - með þeim aðferðum er við rannsökum, lærum og notum:

Nin (þrautseigja) + Ja (maður) = Ninja eða 'þrautseigur maður'. Mætti jafnvel teygja og mynda orðið 'Píslarvottur'...

Ninjutsu = List þrautseigju eða 'Þollist'...

Ninpo = Vegur þrautseigju.

2. Kuji Kiri: Hið óhefta fljúgandi sverð ('Happo Hikenjutsu' eða 'átta leiðir leynisverðs') er gengur til allra átta; skyldi formað í hringnum (8) ásamt 'Tsuki' kviðstungu (+1) og þarmeð færa tölspekina nær heildarmyndinni ('Ku' - eða '9' - getur einnig þýtt 'tóm' og þarmeð '0', en þaðan liggja allar leiðir óheftar...).

Ef ofanvert er íhugað; þá fæðist skilningur á óendanlegri hringrás flæðis (Nagare), en þá er hringurinn í merki Grímnis ákjósanlegur og látinn valda orðunum: ''Bujinkan Ísland Budo Taijutsu'' eða: ''Bardagaleiðir Líkamslistar (Budo Taijutsu) Æfingarsalar Hergoðsins (Bujinkan) á Íslandi''

3. Grímnir: Sem Goð hernaðar, fjölkynngni og ómældrar visku skyldi Óðinn reynast sú höfuðímynd er sæti ofarlega í huga, en sá er talinn klókur sem kröftugur og sífellt utan þess er auðskilið er. Hinn norræni alfaðir sætir einnig þremur fórnum (sjálfsfórnum); þá tveimur sér til framfærslu og aukinnar visku, ásamt einni til endurfæðingar heims (Ragnarök) og liggja þannskonar leiðir þeim mun nær helstu eiginleikum Ninjutsu, en okkar tilburðir skyldu ætíð duldir og magnaðir hinu óskiljanlega.

Þeim mun áhugaverðari - og hér til sögu - eru Grímnismál, en þar bregður Óðin sér í dulargervi (Hensojutsu) og heimsækir Geirröð konung, en sá fagnar gesti með pyntingum (laumuspil og aðfarir Friggjar: Kunoichi!?!) og er Óðin situr fastur milli tveggja elda; þá segir hann til sín og verður konungi svo við, að hann hleypur upp með fagnaðarlátum og við það steypist á eigið sverð ('Mutodori' eða 'Shinken Shiraha Dori') og gerist samstundis bráðkvaddur...

Ofanverð saga - til fullgerðar þrenningu - gæti talist nokkuð nær því er telja má 'huglæga' undirstöðu þjálfunar í Bujinkan Ninjutsu og þarmeð nafn - ásamt merki- félagsins tilvalið til sameiningar, þ.á.m. austrænna og norænna hefða, speki og aðferða til bóta (stefnu) hvers er nemur...