Hér - á þessari síðu - má líta lög og reglugerðir Bujinkan, ásamt - þeim mun persónulegri - leiðbeiningum sem og reglum félagsins. Síðast en ekki síst; má einnig finna hér frekari útskýringar um gráðanir og beltisskipan í Bujinkan.

GRÍMNISLÖG

Utan þess er finnst á forsíðu Grímnis og síst ekki þeirra ákvæða Bujinkan er fylgja hér að neðanverðu; þá er mikilvægt að nefna hér nokkur atriði sem skyldu höfð við - og til hliðsjónar - svo að félagið varðveitist og haldi réttilegri, óbeinni stefnu um ókomin ár. Þessar greinar skyldu ekki teljast sem skilyrði, heldur frekar sem leiðbeiningar til velsæmdar félags sem og meðlima...:

1. Okkar er lífsins vegur (Budo). Lærið, vaxið hiklaust, breytist og nemið allt áhugavert. Prófið hið slæma og haldið hinu góða.
2. Allir meðlimir skyldu jafningjar og aðstoða hvorn annan með - gegnum - þjálfun á Bujinkan Budo Taijutsu. Látið 'gráður' aldrei setja einn yfir annan og haldið einungis þeim hefðum er valda vellíðan hvers og eins...
3. Ein þrjú mikilvægustu atriði þjálfunar; þá innan tvísteypts ramma 'Taijutsu' (líkamslistar) og 'Taihenjutsu' (hins síbreytilega líkama) eru: Ukemi (viðnám), Nagare (flæði) og 'Fudoshin' (hið óbifanlega hjarta). Lærið þessi hugtök vel og nemið þau innan þjálfunar sem og í daglegu lífi.
4. Lærið að nota það sem þið öðlist gegnum æfingar, en aldrei til illvirkja. Hver sá sem fremur óverknað, annaðhvort á eigin vegum og/eða í nafni félagsins, er með öllu óheimilt að ástunda Ninjutsu undir fána Bujinkan og skyldi meinað aðgang að æfingasal... Munið að - og samkvæmt sögu og hefðum - þá er það löstur að þurfa að berjast og ekki til mannsæmdar. Hver sá er telst 'ninja' skyldi ávallt finna hentugri - öruggari - leiðir til sjálfsbjargar og nota bardagaaðferðir einungis sem síðasta úrræði...
5. Budo er ekki íþrótt til keppni og/eða samanburðar. Hér keppist hver gegn - með - sér sjálfum og engum öðrum. Hjálpist frekar að og munið að Taijutsu er einstaklingsbundið; öngvir tveir eru eins, hvort sem líkamlega og/eða hreyfilega séð! Budo er ekki spurning um getu, heldur vilja og þeir sem ekki meðtaka það; munu ekki haldast við í þessari bardagalist. Finna má - og íhuga - 3 tegundir af 'vígförum' (Budoka): Þá er vilja styrkjast, þá sem girnast tækni og kunnáttu... og svo þá er sækjast eftir góðu hjarta!!!

Eftirfarandi er - tiltölulega - bein þýðing reglugerðar Honbu Dojo í Japan og væri hún best álitinn sem slík, en hér felst boðskapur Soke til iðkenda um heim allan:

Leiðbeiningar til þáttöku í Bujinkan

1. Bujinkan samtökin skulu opin einungis þeim er samþykkja og halda reglugerð þeirra. Þeim sem gera það ekki skal neitaður aðgangur. Þá sérstaklega: Aðeins þeir sem hafa lesið og samþykkst þessum lögum geta átt þáttöku.

2. Aðeins þeir er geta haldið sannri þolinmæði, sjálfsstjórn og áhugasemi skulu eiga þáttöku. Skila þarf allrahliða heilbrigðisvottorði læknis. Þá sérstaklega: Þeir einstaklingar sem þjást af geðsýki, eiturlyfjaáneyslu, eða andlegum óstöðugleika skyldu eigi hljóta aðgang. Nauðsyn fyrrnefnds skjals kemur til vegna ákveðinna einstaklinga sem gætu reynst hættulegir öðrum, til dæmis; þeir sem haldnir eru smitsjúkdómum eða veikindum, einstaklingar með greinda skerðingu á persónuleika eða heilsu, og svo þeir sem vantar nauðsynlega sjálfsstjórn. Umsækjendur sem eru á sakaskrá lögreglu fá ekki aðild. Illvirkjar, þ.e.a.s. þeir sem fremja glæpi, ásamt þeim sem búa í Japan og brjóta landlæg lög skal varnaður aðgangur.

3. Þeir sem halda ekki reglugerðir Bujinkan, hvort sem iðkendur eða meðlimir í félagi, með framkvæmdum á óvirðingarsömum og fráhrindandi verknuðum skal vísað frá. Þar til nú, hefur Bujinkan verið opið stórum hópi fólks sem kom til Japan. Þar á meðal, og því miður, voru þeir sem frömdu óskemmtilega drykkfellda verknaði, hinir geðveiku, og svo vandræðaskapararnir sem huguðu aðeins um sjálfa sig og náðu ekki að sjá hvernig aðgerðir þeirra gátu haft óbein áhrif á aðra. Með aðferðum sínum, afneitaði þannig fólk hefðbundnu og réttlátu hjarta Bujinkan. Frá og með þessum degi, skal allt þannskonar fólk rekið á braut.

4. Hvað varðar slys sem gerast á æfingum (hvort sem innan eða utan dójó), skyldi enginn valda Bujinkan vandræðum. Þetta er mjög mikilvægt atriði. Þeir sem eru óviljugir til persónulegrar ábyrgðar á slysum þeim sem verða við Bujinkan þjálfun skal meinaður aðgangur. Endurtekið til staðfestingar, Bujinkan mun ekki axla neina ábyrgð á óhöppum sem gerast á tímum æfinga, óskipað staðsetningu.

5. Allir þeir sem ganga í Bujinkan samtökin skulu hljóta árlegt félagsskírteini. Þetta kort varðveitir ekki einungis heiður Bujinkan meðlima, það bendir til að hver og einn sé hluti af mun stærri heild - hvers meðlimir koma saman með hjarta vígfara til að bæta sig með þjálfun og vinskap. Það sýnir og sannar sæmd hermannsins, og staðfestir jafnt trúfestu og bræðrabönd.

6. Hefð Bujinkan sannkallar náttúru og alheimslög mannlegs eðlis, og er meðfær um allt það er flæðir náttúrulega milli tveggja eftirfarandi þátta:

''Leyndarlögmál líkamslistar (Taijutsu) er að þekkja grundvöll friðar.''

''Að draga lærdóm er leiðin að hinu óbifanlega hjarta (Fúdoshin)''

7. Nýverið, hefur Bujinkan orðið virkilega alþjóðlegt fyrirbæri. Ekki ósvipað því að það skuli vera til mismunandi tímasvæði, þá eru til mismunandi brestir milli fólks og þjóða þessa heims. Við verðum að virða hvort annað og berjast til að komast hjá slíkum vandamálum. Við verðum að setja hjarta hermannsins fyrst, vinna saman að sjálfsbetrun og til bóta Bujinkan.

8. Þeim sem halda ekki ofangreint lögmál skal umsvifalaust vísað úr Bujinkan samtökunum.

Dr. Masaaki Hatsumi - Soke

Hér skyldu svo - til samanburðar - endurtekin orð þau er birtast á forsíðu:

Dójó lögmál (Shinryuken Masamitsu Toda - Anno. 1891)

1.Vitið að þolinmæði er einungis augnablik.
2.Vitið að vegur ykkar leiðir til réttlætis.
3.Gleymið hinum miklu freistingum, leti og sjálfselsku.
4.Sorg og sannleikur eru reglur náttúrunnar.
5.Nálgist innri frið með auknum skilning á hinu óbifanlega hjarta (Fúdoshin), hugsandi hversu sorg og sannleikur eru tilfinningar reiðinnar.
6.Einbeitið ykkur að trúfestu, og verið undirgefin, heiðrið náunga ykkar, og haldið leið ykkar með námi og þjálfun í farveg hermannsins.

GRÍMNISMÁL

Svona í lokin og sem léttan - auðmeltanlegan - eftirmála; þá þætti tilheyrandi að undirstrika stefnu félagsins eins og hún þætti best, en hún væri ákjósanlega sú:

...Að koma upp góðu félagi sem vert er að sækja og tengjast. Halda gott hús (Dojo), með öllu tilheyrandi og nauðsynlegu, þar sem allir eru velkomnir að vera með og slást í glaðværan og velviljaðan hóp áhugasamra...

...Að valda eðlilegri útbreiðslu á þessari sérstæðu bardagalist (Bujinkan Ninjutsu) og auka þekkingu - sem kunnáttu - hvers einstaklings er hana sækir.

...Að grafa undan ofsatrú og fáfræði, ásamt slæmu - þó víkjandi - orðspori er margvíslegir loddarar og prettarar hafa unnið til með svikum og falsháttum.

...Að veita öllum straumum til góðs í íslensku samfélagi - þ.á.m. annara bardagalista og íþrótta - og með því stefna landi og þjóð frammávið sem sannri perlu; hvort sem innan Bujinkan eða annarstaðar.

...Að bæta list, félag og nemanda að jöfnu með opnum huga og tilheyrandi lítilæti. Sem 'Lifandi List' skyldi Ninjutsu vaxa, dafna og þróast samfara tíð og tíma heldur en að staðna, festast og deyja.

Fyrir hönd Bujinkan á Íslandi,

Diðrik Jón Kristófersson (Yondan Shidoshi-Ho)

Gráður, belti og stig í Bujinkan Budo Taijutsu

Beltaskipan í Bujinkan Ninjutsu er nokkuð einföld og lausleg að mestu leyti, en beltin eru samsvarandi gráðun og eftirfarandi talningu:

• Hvítt belti: 10 Kyu og girt byrjendum...
• Gult belti: 9 til 5 Kyu barnabelti, en við hið fimmta þykir grænt/rautt vel við hæfi og allt að 1sta Kyu. Einstaklingar undir 16 ára aldri geta ekki fengið svart belti innan Bujinkan...
• Grænt belti: 9 til 1 Kyu fullorðins-belti karla...
• Rautt belti: 9 til 1 Kyu fullorðins-belti kvenna...
• Svart belti: 1 Dan og allt að 15 Dan samkvæmt núverandi skipulagi Honbu Dojo í Japan.

Kyu gráður eru taldar frá 10 og niður í 1, en þá mun 1 Dan fylgja, svo annað, þriðja, fjórða... 5 Dan og ofar er einungis veitt af Soke sjálfum (ásamt fáeinum útvöldum Shihan meisturum), en svo ber við í kjölfar hins ógnvænlega Godan Sakki-prófs er telst til fullgildis Shidoshi-Kai kennara innan Bujinkan...

Athugið að Grímnir Dójó mun fylgja léttúðugri beltaskipan og gráðun í anda stefnu samtakana í Japan. Belti og gráður skyldu - þar með - ekki teljast sem valdasprotar og/eða einkennismerki er setja menn yfir aðra. Frekar skyldi líta á gráður sem stig, jafnvel sem viðurkenningar á frammistöðu og árangri sem veitast nokkuð persónulega og eftir atvikum. Svart belti telst td. ekki sem meistaragráða, þvert á móti; þá telst 1 Dan merki þess að einstaklingurinn hafi lokið 'grunnþjálfun' og sé reiðubúinn til frekari æfinga á hærra stigi.

Í ljósi ofanverðs mætti þó telja fram nokkur námsatriði - eða jafnvel einkenni - er Grímnisninjur skyldu íhuga til gráðunar, en eftirfarandi listi skyldi reynast sem leiðarljós heldur en nauðsyn og þ.m. undir hverjum sem einum að haga sínum málum svo sér hæfi:

10 Kyu - 8 Kyu

• (a): Helstu hugtök og annað slíkt, td. ''Shikin Haramitsu Daikomyo'' etc...
• (b): Lestur á bók og/eða öðru námsefni eftir Hatsumi (td. kennslu DVD).
• (c): Helstu stöður (Kamae).
• (d): Veltur og annað efnisinnihald 'Taihenjutsu Ukemi Gata'.
• (e): Beiting grunntækni (Kihon Waza) til varna og árása, td. helstu hreyfingar og högg/spörk ásamt gagnhöggum (vörnum).
• (f): Meginform 'Mutodori Kata' (óvopnfærrar móttöku sverðs).

7 Kyu - 5 Kyu:

• (a): Hoken Juroppo, 16 árásartæki líkamans og beiting þeirra úr stöðum...
• (b): Helstu köst og líkamskyrkingar, samanber Nage- og Shime Waza...
• (c): Lestur á seinni bók og/eða öðru námsefni eftir Hatsumi (td. kennslu DVD).
• (d): Allar grunnstöður ásamt fótaburði (Sabaki), td. 'Yoko Aruki' hliðarskref...
• (e): Öll atriði 'Taihenjutsu Ukemi Gata'.
• (f): 'Kihon Happo' (8 leiða grunntækni Bujinkan).
• (g): Minnst eitt vopn (td. Hanbo, Bo, Tanto og/eða Ken).
• (h): Helstu form 'Mutodori Kata'...

4 Kyu - 2 Kyu:

• (a): 'Kihon Happo' (8 leiða grunntækni Bujinkan).
• (b): Öll köst og kyrkingar Nage Waza og Shime Waza .
• (c): 9 flóttaleiðir (Hajutsu Kyu Ho).
• (d): Lestur á þriðju bók og/eða öðru námsefni eftir Hatsumi (td. kennslu DVD).
• (e): Nám á bardagastíl (Ryu Ha): Gyokko Ryu Kosshi Jutsu.
• (f): Seinna vopn...
• (g): Öll atriði 'Mutodori Kata'.

1 Kyu:

• (a): Öll atriði 'Kihon Happo'.
• (b): Öll atriði 'Hajutsu Kyu Ho'.
• (c): Öll form 'Gyokko Ryu Kosshi Jutsu'.
• (d): Helstu vopn og meginaðferðir, stöður og beiting.
• (e): Lestur á fjórðu bók og/eða öðru námsefni eftir Hatsumi (td. kennslu DVD).
• (f): Sanshin No Kata (form hins réttláta hjarta).

1 Dan:

• (a): Lestur á helstu bókum og námsefni Bujinkan ...
• (b): Eitt af 9 Ryu Ha...
• (c): Shinken Kata.
• (d): Vopn (td. Katana, Hanbo eða Bo).
• (e): Full sameining á Kamae, Taihenjutsu og Sabaki...

2 Dan:

• (a): Frekara bóknám ásamt kennslu...
• (b): Eitt af 9 Ryu Ha...
• (c): Vopn (td. Ninjaken, Jutte og/eða Kunai).
• (d): Full sameining á Kamae, Taihenjutsu og Sabaki með vopnum.
• (e): Aðrar aðferðir, svosem sund, trjáklifur og annað hæfilegt viðkomandi...

3 Dan:

• (a): Frekara bóknám ásamt kennslu, jafnvel skriftum af einhverju tagi...
• (b): Eitt af 9 Ryu Ha...
• (c): Vopn (td. Shuriken ásamt skotvopnum af ýmsu tagi, Tessen, Kusari Fundo etc...).

4 Dan:

• (a): Sérhæft bóknám ásamt kennslu, jafnvel eigin nemendum...
• (b): Eitt af 9 Ryu Ha...
• (c): Endurvakning grunnatriða...
• (d): Vopn (td. Yari, naginata og Bisento, jafnvel Kusarigama/Kyoketsu Shoge).
• (e): Ferð til Japans!!!

Athugið - aftur - að ofanvert er einungis gert til að gefa sterkari hugmynd hvað sé 'mögulegt' og æskilegt að nálgast - á hverju stigi þjálfunar - frekar en hvers sé ætlast af nemanda. Hver og einn skyldi sjálfum sér samkvæmur og nálgast Ninjutsu og Bujinkan á þann veg er þykir skemmtilegastur og mest gefandi í alla staði.