Nú skyldi íhuga verðmæti spurninga og hversu gott er að geta veitt/þegið svör, en hér verður leitast við að mæta hinum ýmsu hugleiðingum er hrjóta af vörum forvitinna...

Vitanlega er allt gert til að haga spurningum eins nálægt upphaflegum skilaboðum og mögulegt er, en hver og einn skyldi senda inn spurningar óhikað þar sem einungis gott getur af hlotið:

Spyrjið hiklaust...: (nekron@nekron-art.com)

Q1: Hvað kosta tímarnir?

S: Æfingar eru - tímabundið - aðeins einu sinni í viku (sjá forsíðu) og þarafleiðandi ekki farið fram á hærri gjöld en hvað nemur 3000 krónum hvern mánuð. Þegar sá tími kemur að fleiri tímar bætast við; þá er ekki við öðru að búast en að gjöldin hækki hlutfallslega

Q2: Hvaða búnaður er æskilegur?

S: Léttur klæðnaður (td. æfingargalli) og strigaskór (þykkir sokkar þegar æft er innandyra) skyldu duga í upphafi, en síðar meir; er ekki verra að ná sér í stílhreinan æfingagalla eða 'Gi'. Er mælt með þykkum '12 oz' Jiu Jitsu/Karate Gi (svörtum?!?), en hvítt byrjendabelti fylgir oftast nær með. Svokallaðir Ninja Gi gallar eru yfirleitt gagnslausir og eiga til að detta í sundur við fyrstu átök...

Annar búnaður er einnig fyrir hendi, en þar mætti telja: Ninja Tabi æfingaskó (innan- sem utandyra), Tekko og Kyahan limahlífar; að ógleymdum hinum ýmsu æfingatólum svosem: Bokken viðarsverðum, gúmmí kaststjörnum og öðru slíku, en þar sem yfirvöld og lögregla hafa ekki enn gert upp sinn hug varðandi lögleiðingu á slíkum búnaði; þá er nokkuð erfitt að segja um hversu öruggt sé að versla sér og flytja inn slík tæki.

Q3: Hvernig eru beltin í Bujinkan Budo Taijutsu (Hversu mörg eru þau, í hvernig röð)?

S: Beltaskipan í Bujinkan Budo Taijutsu er nokkuð einföld og lausleg að mestu leyti, en beltin eru samsvarandi gráðun og eftirfarandi talningu:

• Hvítt belti: 10 Kyu og girt byrjendum...
• Gult belti: 9 til 5 Kyu barnabelti, en við hið fimmta þykir grænt/rautt vel við hæfi og allt að 1sta Kyu. Einstaklingar undir 16 ára aldri geta ekki fengið svart belti innan Bujinkan...
• Grænt belti: 9 til 1 Kyu fullorðins-belti karla...
• Rautt belti: 9 til 1 Kyu fullorðins-belti kvenna...
• Svart belti: 1 Dan og allt að 15 Dan samkvæmt núverandi skipulagi Honbu Dojo í Japan.

Kyu gráður eru taldar frá 10 og niður í 1, en þá mun 1 Dan fylgja, svo annað, þriðja, fjórða... 5 Dan og ofar er einungis veitt af Soke sjálfum (ásamt fáeinum útvöldum Shihan meisturum), en svo ber við í kjölfar hins ógnvænlega Godan Sakki-prófs er telst til fullgildis Shidoshi-Kai kennara innan Bujinkan...

Athugið að Grímnir Dójó mun fylgja léttúðugri beltaskipan og gráðun í anda stefnu samtakana í Japan. Belti og gráður skyldu - þar með - ekki teljast sem valdasprotar og/eða einkennismerki er setja menn yfir aðra. Frekar skyldi líta á gráður sem stig, jafnvel sem viðurkenningar á frammistöðu og árangri sem veitast nokkuð persónulega og eftir atvikum. Svart belti telst td. ekki sem meistaragráða, þvert á móti; þá telst 1 Dan merki þess að einstaklingurinn hafi lokið 'grunnþjálfun' og sé reiðubúinn til frekari æfinga á hærra stigi.

Q4: Afhverju er mikilvægt; að þegar maður beygir sig að þá er bannað að láta hælana rísa?

S: Það gerist sjaldan að hlutir séu 'bannaðir' í Ninjutsu, heldur skyldi - þá frekar - einbeita sér að bætandi aðferðum og hvernig skyldi öðlast öryggi jafnvægis og óhefts líkama. Samanber; viðnám jarðar og fótfestu, en hér lærist að beita líkamanum í samræmi við umhverfi og í léttri - þó staðfastri - stöðu. Það telst betra að nema ætíð hæla við, hvort sem gegn jörðu/gólfi eða andstæðing með sparki, enda lítill munur þar á þegar aðferðum er fylgt í þaula... Breytingar á stöðu/staðsetningu skyldi þá færast í mjöðmum, hnjám og - óbeygðu - baki, en tærnar þ.á.m. notaðar til grips og/eða þreifinga...

Með ofanvert í huga, gerist einstaklingurinn stöðugri og sterkari fyrir án þess að festast í sessi vegna misnotkunar á vöðvum og liðamótum. Semsagt; læstur í jörðu en þó reiðubúinn til stökks!!!

Q5: Geturðu mælt með einhverjum flottum skóla í Japan? Myndi Masaaki Hatsumi td. taka við nýgræðingum eða þarf maður að vera kominn á eitthvert sérstakt stig?

S: Samkvæmt þeim heimildum er ég hef fengið, séð og heyrt; þá eru flestir - ef ekki allir - velkomnir í hús í Japan, enda urmull allur þar af góðum kennurum - ásamt samnemendum - sem hafa margt fram að færa. Má þar nefna: Shihan Shiraishi, Shihan Noguchi, Shihan Nagase, Shihan Seno osfvs... Flestir halda eigin hús (Dojo) og fylgjast að í fullu samræmi undir vökulu auga Soke, en sá hafnar engum í sinn sal þó hann virðist einungis einbeita sér að beinni kennslu 5 Dan Shidoshi Kai og yfir...

Gráður og reynsla segja lítið um hversu velkomnir áhugasamir eru, en hinir japönsku Bujinkan kennarar eru vinsamlegir og heiðvirðir í alla staði, enda getur hver sá sem sýnir virðingu og hlédrægni numið margt sér til framfærslu og skemmt sér konunglega í góðum félagsskap. Hvað varðar nánari leiðbeiningar og nauðsynlega vitneskju til Japansferða; þá vitna ég helst í upplýsingasíðu Hr. Ohashi, en hana má finna hér á 'tenglum'...

Q6: Er virkilega til það sem kallast að vera ósýnilegur eins og ninja?

S: Vitanlega og skyldi íhuga þau mál nánar sér til framfæris, hvort sem á hættustund eða við hversdags-aðstæður, en umhverfisnæmni, eðlislæg hegðun og aðlögunarhæfni skiptir hér öllu máli frekar en ískyggilegar - skáldlegar - galdrakúnstir. Td. má segja að blekkingaraðferðir og 'góð' tímasetning hafi komið mörgum undan og - jafnvel - valdið þeim sjónbrigðum; að ninjan hafi 'horfið' þá er hún stökk skyndilega í felur, klifraði upp tré og/eða kom sér í dulargervi.

Raunhæfari 'hversdagslegar' aðferðir byggjast einnig á svipuðum tilbrigðum, þó lauslegar - einkennislausar - tilbreytingar og smávægileg tilþrif valdi 'oftast nær' óséðum athöfnum, en hér lærist að hegða sér samkvæmt lögmáli 'Kyojitsu Tenkan Ho' og beita hegðun eftir umhverfi/aðstæðum svo að einungis sjáist það sem skyldi...

Q7: Hvernig virkar Ninjutsu (Budo Taijutsu) á móti öðrum bardagalistum?

S: Alveg ágætlega, þó svo að það þættu mikil mistök að ganga út frá því að bardagaaðferðir Taijutsu séu til samanburðar/samkeppni gegn hinum margvíslegu bardagalistum og íþróttum er allar hafa sínar sterku hliðar. Okkar möguleikar hafa ætíð staðið undir því; hversu meðfærilega líkamslistin er og að hin helsta leið til sigurs sé einmitt sú; að forðast óþarfleg átök og nota allar mögulegar aðferðir til undankomu ef svo býr við...

Q8: Af hverju er svona mikið lagt uppúr vopnum?

S: Talið er að besta leiðin til varna gegn öllu því er fyrir bregður sé einmitt sú; að kynnast hverju tóli á sinn hátt og losa sig undan ótta með nánari þekkingu og handlægni. Td. er ekki svo slæmt að kunna að fara með hníf ef svo færi að þörf krefðist varna og lífsspursmál lægi við...

Önnur tól (sverð, langstafir, spjót og hvað annað) færa með sér mikla þekkingu, gaman og aukna getu líkamlega, þ.e.a.s. bætta einbeitningu og viðbrögð ásamt skerptu fjarlægðarskyni svo eitthvað væri nefnt. Kaststjörnur koma einnig sterklega til taks, en þar lærist margvísleg notkun á ýmiskonar smávopnum ásamt sérstæðri líkamslipurð og næmni sér til undankomu. Að öllu leyti, er það okkar leið; að æfa og þekkja inn á flest allt það er fyrir ber þó ekki sé allt sem sýnist...

Q9: Er ekki hættulegt að kenna öll þessi drápsbrögð þar sem fólk getur misnotað þau?

S: Þó ótrúlegt sé; þá virðast hlutir - þ.e.a.s. aðferðir og eiginleikar - leiða út í andhverfu sína og fólk gerast ívið þægara eftir því sem það æfir meira. Gæti hugsast að eftir því sem vitneskja og hæfni eflist; þá eykst sjálfsvitundin og iðkandin vex í siðferði, rósemi og öðrum mannlegum kostum í fullu sjálfræmi. Td. hafa margar hetjurnar hægt á sér og lagt niður ruddaskap og slagsmálaáráttu eftir að leiðir Budo lýstust fyrir þeim, en okkar er lífsins gangur og ekki til mikils að elta uppi vandræðin að gagnslausu...